مالك الحزين
25-04-2009, 10:05 PM
مرشد البذالي رحمه الله ،، عندما مرض وأحس بقرب منيته قال هذه القصبده .
ياحول أظن الحـق جتنـي طروشـه =جتني مناديبـه وأنـا عنـه منحـاش
اليوم كـن بداخـل الجـوف هوشـه=مثل إختراش الزلم في داخل الجـاش
يالله عسى عفـوك ولطفـك نحوشـه=ويالله بحسن الخاتمه عنـد الاقـراش
ودنياك لو تعطيـك حلـو المعوشـه=تالـي سوالفهـا تعـود علـى مـاش
يا ما خذينـا فـاول العمـر شوشـه=وياما مشينا مـع مظاهيـر وأدبـاش
فـي خايـعٍ وبـل الثريـا رشوشـه=نجنا الزبيدي في صحاصيح ودشـاش
وياما جلسنـا مـع مـرودع نقوشـه=في سهلة مـا حدرنـا زل وفـراش
في وسط روض مخضرات خفوشـه=نبته جديـد ومبعديـن عـن الطـاش
نبنـوب لا طفلـه ولا بمخـروشـه=عنق الفريـد مذيـره زول حشـاش
قامـت تخاطبنـي بنفـس هشوشـه=بس الكلام وعرضها أبيض من الشاش
لاشك من طـول الغيـاب محشوشـه=تونس معاليقه مـن الهجـر عطـاش
أسرار في وسط القلـوب مخشوشـه=بين الثنيـن ولادرى عنهـا الـواش
ربعـة وفـاء ولا السلـب ماننوشـه=ماني لوجه معـذب الحـب خمـاش
واليوم مالي مع هـل الصيـد نوشـه=عطيتها غيـري بـلا سـوم ببـلاش
عند الطبيب وصار عنـدي وحوشـه=ومن الاقامه صابنـي هـم وخـراش
هالحين شفنـي قاعـد عقـب دوشـه=اصلب اعضاي وكن بالجسم هشهاش
خليـت ديوانـي ومجـلاس حوشـه=واليوم شفني ساكـن بـدار الانعـاش
والنفس ضاقت عقب ماهـي بشوشـه=مثل المقيم اللي علـى نـو مطـراش
امطـرفٍ بالبـاب قشـه ونـوشـه=ينطر خويه بيـن هجـده ومغبـاش
ياحول أظن الحـق جتنـي طروشـه =جتني مناديبـه وأنـا عنـه منحـاش
اليوم كـن بداخـل الجـوف هوشـه=مثل إختراش الزلم في داخل الجـاش
يالله عسى عفـوك ولطفـك نحوشـه=ويالله بحسن الخاتمه عنـد الاقـراش
ودنياك لو تعطيـك حلـو المعوشـه=تالـي سوالفهـا تعـود علـى مـاش
يا ما خذينـا فـاول العمـر شوشـه=وياما مشينا مـع مظاهيـر وأدبـاش
فـي خايـعٍ وبـل الثريـا رشوشـه=نجنا الزبيدي في صحاصيح ودشـاش
وياما جلسنـا مـع مـرودع نقوشـه=في سهلة مـا حدرنـا زل وفـراش
في وسط روض مخضرات خفوشـه=نبته جديـد ومبعديـن عـن الطـاش
نبنـوب لا طفلـه ولا بمخـروشـه=عنق الفريـد مذيـره زول حشـاش
قامـت تخاطبنـي بنفـس هشوشـه=بس الكلام وعرضها أبيض من الشاش
لاشك من طـول الغيـاب محشوشـه=تونس معاليقه مـن الهجـر عطـاش
أسرار في وسط القلـوب مخشوشـه=بين الثنيـن ولادرى عنهـا الـواش
ربعـة وفـاء ولا السلـب ماننوشـه=ماني لوجه معـذب الحـب خمـاش
واليوم مالي مع هـل الصيـد نوشـه=عطيتها غيـري بـلا سـوم ببـلاش
عند الطبيب وصار عنـدي وحوشـه=ومن الاقامه صابنـي هـم وخـراش
هالحين شفنـي قاعـد عقـب دوشـه=اصلب اعضاي وكن بالجسم هشهاش
خليـت ديوانـي ومجـلاس حوشـه=واليوم شفني ساكـن بـدار الانعـاش
والنفس ضاقت عقب ماهـي بشوشـه=مثل المقيم اللي علـى نـو مطـراش
امطـرفٍ بالبـاب قشـه ونـوشـه=ينطر خويه بيـن هجـده ومغبـاش