قصيــده للشــاعر بنــدر سرور

[نزف القصيد]

الله من عينن طرقها صواديـــــــــــــف & عميّت ويبسن العروق السخافي

شفت الوزى بالعين من عرض ماشيف& شفته وغيري مافطله وشافــــــي

وقتن تغير فيه حتى العواصيــــــــــــف& جا في عواصيف الرياح اختلافي

شره قناطيرن وخيره مقاطيـــــــــــــف & يفطن به اللي يرضع الديد غافي

كم واحدن جاله زمانه على الكيــــــف & واغتر في نفسه يبى الجود وافي

يطلع مطاليع العلى بالسواليــــــــــــف & وبين العذارى عد روحه اسنافي

هراج بالغيبه وكراه للضيــــــــــــــــف & قتات والقتات في النار هافــــي

يعلق قريبه علقت النار بالليــــــــــــف & عيّن ولد عيّن وزنوده اضعافي

ان رخصت الحذوه توقى عن الحيف & ون غليت الحذوه مشى اللاش حافي

يمشي ويلحق والدينه تخالـــــــــــيف & دايم ومرقد طافي النار دافـــــــي

هو مادرى ان الجود يبى تكالــــــيف & سهر الليالي مقبالتن مقافــــــــي

والصبر بنحور السنين الشواحيف & اللي قساها مثل حدب الرهافــــــــــي

مايقدرون الجود سود الاضاليف & مشاركة بيض النساء في اللحافـــي

يقدر عليه اللي حكم نجد بالسيف & مودع مباغيض القبايل ولافـــــــــــي

عبدالعزيز اللي يبث المصاريف & يجدع قناطير الذهب بالفيافــــــــــــــــي

يمسي على دربه جموعن مراديف & مزنن تنثر ماه والجو صافـــــــــــــي


وسلااااااااااااااامتكم


من مواضيعي

[الساطي]

نزف القصيد
مشـــــــاركه مميزه ومن طول الغيبات جاب الغنايم والله محييك

[نزف القصيد]

الله يبـارك فيك واعذورانـــي على الغيبـــه لكــن ان شــاء الله راح تشوفون المشـــاركــات اللي تعجبكم