علي الله

[صمتے كـلام]

على الله يازماني..كيف ترضى:(دمعة المحزون)
تهلّ مـن القهر..ويضيـع حلمه..بيـن عذّالـه!
تجرّع:لوعة المحروم..مدري:ضيقـة المسجـون
وعلى (صحراء عطش قلبه)يتوه وضاعت آمالـه
رحى الدنيا..تدور وخافقه في وسطهـا مطحـون
يلوح الهمّ فـي وجـه الجـروح اللـي تعزوالـه
على:(حزمة مشاعر)ساق روحه!والحياه اظنـون
بـدأ خطـوه تقرّبـه الأمان..ونـوّخ رحـالـه
على صدر السماء:شاف النجوم اللي تنير الكـون
وعلى صدر الثرى:شاف النوايا السود مختالـه!!
صبر..(والصبر حكمه)بس بعض الناس مايدرون!
بإن الصبـر عزّ..وعـزّة الصابر(شقـا حالـه)
تحاكمـنـا مشاعرنا..بلامـذهـب ولاقـانـون
ونزيح الستر..عن وجه السراب ونعْشق أهوالـه!
ولكن للأسف..زادت طعونـك يالمحبّ..اطعـون
بعـد حلـم الليالي..ضـاع والأحـزان تبرالـه
متى نوّ المحبّه..تمطر أشواقـه علـى الممنـون
وعلى جرد الضلوع يهـلّ نـوّ الشـوق وخيالـه
وينبـت للموّده..والمشاعر..والجميل:غـصـون
ثمرها:(أغلا الوفاء)اللي في صميم الروح منزالـه
ألا ليت الزمان يدور..حتّـى يكشـف المدفـون!
عشان يشوم بعض الناس عن جاهه وعن مالـه!
وعشان أنّ النوايا تنكشـف يالخافـق المرهـون
وعشان تعيـد ترتيـب الحساب.ونبضك:الآلـه!
تعدّ أصحابك اللي في رخاك أكثر مـن المليـون
وتطرح(ستّـة أصفـار العدد)فالضيـق يـادالـه