ياصاحبي وكل الله

[صمتے كـلام]

.
.

ياصاحبي وكّل الله واعمل بأصلك
لو الشعر مرجلة ماصار بالراحة

مانيب من ربع طبّل لي وأطبّل لك
اللي مسوين زحمة داخل الساحة

الرجل لاصار غير الشعر مايملك
خله يقول الشعر ويردّ نبّاحه

ياصاحبي ماكتبت الشعر لأجل أسلك
طريقهم وأدري إن الكذب مفتاحه

ماتمشي دروبهم رجلي ولا رجلك
ولاهوب في يدينهم شعري ومصباحه

صعبة يصير الغلاف لمثلي ومثلك
من يمسح الجوخ يمكن هذي أرباحه

خل الكرامة وخل أصلك وخل أهلك
ثم مدّ يدّك لهم يعطوك تفاحة

واقسم لهم غصب ماهو شي من فضلك
يعطون تعطي وكل الناس لمّاحه

نظامهم حافظينه حفظ من قبلك
لكنّ ماينمسح شعري بمسّاحة

مايُحجب النور لو كان الظلام أحلك
من ليل الأشواق والمشتاق وجراحه

ياصاحبي ماكتبت الشعر لأجل أهْلَك
ولاكتبته عشان أشيل مسباحه

الشعر لامرّ في قلبك وفي عقلك
والله مايكتبه غيري في هالساحة ..!
.
.